Məxfilik Siyasəti

"Enhance Azerbaijan" Məhdud Məsuliyyəti Cəmiyyəti (VÖEN: 1703852711) tərəfindən idarə edilən "Pai.az" (bundan sonra "Biz") olaraq İstifadəçilərimizin fərdi məlumatlarının toplanmasını və həmin fərdi məlumatların saxlanılmasını həyata keçiririk.

Sizinlə bağlı toplanan bütün məlumatların yeganə idarəedicisi Bizik. Biz informasiyasının necə, nə məqsədlə və harada istifadə olunması ilə bağlı qərarları qəbul edir, kompleks olaraq xidmətlərin göstərilməsi məqsədilə həmin məlumatları informasiyaların data bazamızda saxlayır və təhlükəsizlik baxımından mühafizə edirik.

"Fərdi məlumatlar haqqında" Azərbaycan Respublikası Qanununa əsasən Sizin fərdi məlumatlarınızın, istifadə tarixçənizin data bazamızdan silinməsini tələb etmək və digər hüquqlarınız vardır.

Biz təsisçisi olduğumuz Şirkətin vahid bir Dövr üzrə iştirakçıları olan İnvestorların təqdim etdiyi investisiyalar hesabına rekonstruksiya edilən Əmlakın özgəninkiləşdirilməsi nəticəsində əldə edilən mənfəəti özü və İnvestorlar arasında bölən hüquqi şəxsik.

Bu xidmətlər cari halda veb-sayt vasitəsilə həyata keçirilir, gələcəkdə mobil tətbiq yaradılması nəzərdə tutulur.

Platformamızdan istifadə edərkən İstifadəçilər öz İstifadəçi Hesablarına daxil olurlar. İstifadəçilər bizim platformalarımızdan istifadə edərkən onlara aid bəzi fərdi məlumatlar, bu siyasətdə nəzərdə tutulan məqsədlər üzrə tərəfimizdən toplanılaraq işlənilir və saxlanılır.

Əgər bu Məxfilik Siyasəti ilə bağlı hər hansı sualınız yaranarsa, zəhmət olmasa, bizim müştəri xidmətləri ilə [email protected] (email) vasitəsilə əlaqə saxlayın.

Bu Məxfilik Siyasətində istifadə edilən anlayışlar İstifadə Şərtləri və Qaydalarında əks edilən anlayışlarla eyni mənanı ifadə edir.

Siz bu Məxfilik Siyasətini qəbul etməklə, Bizim tərəfimizdən təqdim olunan xidmətlərdən istifadə zamanı fərdi məlumatlarınızın toplanmasına, emal olunmasına və saxlanılmasına açıq şəkildə razılıq vermiş olursunuz. Bu razılıq, həmçinin sizin təqdim etdiyiniz məlumatlardan xidmətin düzgün və effektiv icrası məqsədilə istifadə olunmasına da şamil olunur.

Xidmətlərin göstərilməsi və təmin edilməsi məqsədilə Biz aşağıdakı məqsədlər üçün sizin fərdi məlumatlarınızdan istifadə edə bilərik:

• Platformamızın idarə olunması və sizə təqdim etdiyimiz xidmətlərin fasiləsiz və funksional şəkildə işləməsinin təmin edilməsi;

• Xidmətin təkmilləşdirilməsi və İstifadəçi təcrübəsinin artırılması məqsədilə statistik araşdırmalar və analitik təhlillərin aparılması;

• İstifadəçinin şəxsiyyətinin identifikasiyası və təhlükəsizlik məqsədilə məlumatların əldə edilməsinin zəruriliyi;

• Qanunvericiliklə müəyyən edilmiş hallarda və ya müvafiq dövlət orqanlarının tələbi əsasında məlumatların təqdim olunması.

Siz eyni zamanda razılıq verirsiniz ki, xidmətlə bağlı sorğularınıza cavab verilməsi, hesabınızla və platforma ilə bağlı vacib yeniliklərin və bildirişlərin çatdırılması məqsədilə Biz sizinlə e-poçt, SMS və telefon zəngi vasitəsilə əlaqə saxlayaq.

Bu Məxfilik Siyasəti yalnız Bizim tərəfimizdən toplanan məlumatlara şamil olunur. Fərdi məlumatlarınızı təqdim edərkən onların düzgünlüyünə görə məsuliyyət daşıyırsınız. Düzgün olmayan və ya natamam məlumatlar, məsələn, yanlış qeyd olunan e-poçt ünvanı, Bizim sizinlə effektiv əlaqə saxlamamıza mane ola bilər.

Əgər məlumatların toplanması və emalı ilə bağlı siyasətimiz sizi qane etmirsə, siz razılığınızı geri götürmək hüququna maliksiniz. Razılığın geri götürülməsi, gələcək üçün hüquqi nəticə doğurur və əvvəlki emallara təsir göstərmir. Siz, həmçinin fərdi məlumatlarınızın hansı məqsədlə toplandığı, kimə ötürüldüyü və necə emal olunduğu barədə Bizdən məlumat tələb edə bilərsiniz. Əgər məlumatların qanunvericiliyə və razılaşdırılmış məqsədlərə zidd olaraq emal edildiyini düşünürsünüzsə, buna etiraz etmək hüququnuz var.

Toplanmış fərdi məlumatlar yalnız Bizim təqdim etdiyimiz xidmətlərin həyata keçirilməsi və göstərilən məqsədlərin icrası müddətində saxlanılır. Müvafiq məqsədlər başa çatdıqda və ya məlumatların saxlanması üçün qanuni əsas qalmadıqda, İstifadəçi öz hesabının və məlumatlarının silinməsini tələb edə bilər. Bu halda məlumatlar müvafiq qaydada silinir və ya məhv edilir.

Siz bu Məxfilik Siyasətini qəbul etməklə, Azərbaycan Respublikasının "Fərdi məlumatlar haqqında" Qanununa uyğun olaraq fərdi məlumatlarınızın müəyyən edilmiş məqsədlər üzrə toplanılması, emalı, saxlanılması və qanunvericiliklə nəzərdə tutulmuş hallarda üçüncü şəxslərə ötürülməsinə tam və məlumatlı razılıq verdiyinizi təsdiqləyirsiniz. Həmçinin, razılığınızı istənilən vaxt geri götürmək və fərdi məlumatlarınızın emalına dair əlavə məlumat almaq hüququna malik olduğunuzu qəbul edirsiniz.

• Fərdi məlumatlar - şəxsin kimliyini birbaşa və ya dolayısı ilə müəyyənləşdirməyə imkan verən istənilən məlumat;

• Elektron və telefon məlumatları – Xidmətlərimizdən və mobil tətbiqdən istifadə etdiyiniz zaman, sizin hansı ardıcıllıqla səhifələrə daxil olduğunuz, istifadə etdiyiniz cihaz və həmin cihaza dair daxili məlumatlar, IP ünvanınız, əməliyyat sistemi və brauzer proqramı kimi məlumatlar serverimizdə saxlanılır.

• Şəxsi və əlaqə məlumatları – Xidmətlərimizdən istifadə edən şəxslərin adı, soyadı, elektron poçt ünvanı, telefon nömrəsi, bildirişlərin və digər yeniliklərin sizə çatdırılması üçün üstünlüklər və seçimlər kimi məlumatlar toplanır.

Biz fərdi məlumatlardan istifadəçi hesabının və elektron kabinetin yaradılması və təhlükəsiz idarə olunması məqsədilə istifadə edirik;

Fərdi məlumatlar hüquqpozmalara qarşı hüquq-mühafizə orqanlarına dəstək vermək üçün istifadə olunur;

Həm daxili, həm də üçüncü tərəflər vasitəsilə məxfi şəkildə statistik təhlillərin və bazar araşdırmalarının aparılması və hazırlanması məqsədilə fərdi məlumatlar toplanır;

Xidmətlərin və tətbiqdəki əməliyyatların idarə olunması və səmərəliliyinin artırılması üçün fərdi məlumatlardan istifadə edilir;

Biz istifadəçilərlə effektiv kommunikasiya qurmaq, xidmətlərimizi və platformamızı inkişaf etdirmək məqsədilə fərdi məlumatları işləyirik;

Mobil tətbiqin istifadəçi təcrübəsinin daha da təkmilləşdirilməsi və funksionallığının artırılması məqsədilə fərdi məlumatlar toplanır;

Yeniliklər, yeni xidmətlər və təkliflər barədə istifadəçilərin məlumatlandırılması üçün fərdi məlumatlardan istifadə olunur;

Zərurət yarandıqda yeni biznes fəaliyyətlərinin idarə olunması məqsədilə fərdi məlumatlar istifadə edilə bilər;

Hüquqazidd əməliyyatların, dələduzluq və digər cinayətkarlıq fəaliyyətlərinin qarşısının alınması məqsədilə fərdi məlumatlar yoxlanılır və işlənilir;

Biz istifadəçilərə tətbiqdən istifadə zamanı dəstək göstərmək, xəbərləri və digər vacib məlumatları çatdırmaq üçün fərdi məlumatların toplanması və işlənməsini həyata keçiririk.

Bizə sizin tərəfinizdən və ya üçüncü şəxslər vasitəsilə təqdim olunan fərdi məlumatlarınız yüksək səviyyədə xidmət göstərilməsi məqsədilə istifadə olunur. Bu, texniki dəstək göstərilməsi, tətbiq və xidmətlər barədə məlumatların çatdırılması, sizinlə əlaqə saxlanılması, müraciətlərin cavablandırılması və digər xidmətlərin göstərilməsi üçün zəruri olan tədbirləri əhatə edir.

Fərdi məlumatlarınız yalnız Azərbaycan Respublikasının mövcud qanunvericiliyi ilə tələb olunduğu hallarda müvafiq dövlət qurumlarına ötürülə bilər.

Əgər qanun pozuntusu və ya təhlükəsizlik riskləri ilə bağlı şübhələr yaranarsa, qanunsuz fəaliyyətlərin qarşısını almaq və istifadəçilərimizin təhlükəsizliyini təmin etmək məqsədilə müəyyən fərdi məlumatları müvafiq hüquq-mühafizə orqanları ilə paylaşa bilərik.

Xidmətlərimizdən istifadə etdikdən sonra sizə aid fərdi məlumatlar silinəcəkdir. Əmin olmaq üçün fərdi məlumatlarınızın silinməsi barədə məlumat almaq hüququnuz vardır. Bunun üçün bizim məlumatların qorunması ilə əlaqədar yaradılmış elektron poçt ünvanımıza müraciət etməlisiniz. Müraciətiniz əsasında "Fərdi məlumatlar haqqında" Azərbaycan Respublikasının Qanununun 9.4-cü maddəsinə uyğun olaraq, sizinlə bağlı fərdi məlumatların silinməsi barədə məlumat veriləcək, silinməmişdirsə, tələbiniz əsasında dərhal serverlərimizdən silinəcəkdir.

Əgər fərdi məlumatlarınızın təhlükəsizliyi ilə bağlı hər hansı şübhə və ya qüsur yaranarsa, biz ağlabatan bütün qabaqlayıcı və zəruri tədbirləri həyata keçirərək məlumatlarınızın mühafizəsini təmin edəcəyik.

Biz Məxfilik Siyasətinə vaxtaşırı dəyişikliklər edə bilərik. Məxfilik Siyasətinin yeni forması mobil tətbiqdə yerləşdikdən sonra qüvvəyə minir.

Məxfilik Siyasətinin yeni formasını dərc etdikdən sonra tətbiqdən davamlı istifadə etməyiniz həmin dəyişiklikləri qəbul etdiyiniz və onlarla razılaşdığınız mənasına gəlir. Əgər siz bu dəyişikliklərlə razılaşmırsınızsa, tətbiqə girişdən imtina etməli və xidmətlərdən istifadəni dayandırmalısınız.

Məxfilik Siyasəti ilə bağlı hər hansı sualınız və ya əlavə məlumat ehtiyacınız olduqda, bizimlə aşağıdakı vasitələrlə əlaqə saxlaya bilərsiniz:

Email: [email protected]

Əlaqə nömrəsi: +994 XX XXX XX XX

Son yenilənmə tarixi: 18.11.2025